СЭЛГЭЭНД ТАРИАЛАХ ТОСНЫ УРГАМЛЫН ҮРИЙГ БИРЖЭЭР ДАМЖУУЛАН АРИЛЖИНА

2025 оноос сэлгээнд тариалах тосны ургамлын дотоодын болон импортын үртэй холбоотой уулзалтхэлэлцүүлэг боллоо. “Хөдөө аж ахуйн бирж” ТӨХХК-ийн бүртгэлийн арилжаанд оролцон тариалах, хураасан ургацаас дотоодын үйлдвэрт нийлүүлэх болон экспортлох арилжааг биржээр дамжуулан зохион байгуулахтай холбогдуулах юм байна. Мөн авч хэрэгжүүлж буй арга хэмжээ, үйл ажиллагааны зураглалын талаар экспортын зөвшөөрөлтэй аж ахуйн нэгжүүдэд танилцуулга мэдээллийг энэ үеэр өгсөн юм. Тус уулзалтыг Хүнс, хөдөө аж ахуй, хөнгөн үйлдвэрийн яам Газар тариалангийн бодлогын хэрэгжилтийг зохицуулах газар, Салбарын хяналтын газар, Монгол Улсын Засгийн газрын хэрэгжүүлэгч агентлаг Ургамал хамгааллын газар болон Хөдөө аж ахуйн корпораци ТӨХХК хамтран зохион байгуулж, аж ахуйн нэгжүүдтэй харилцан санал солилцлоо.