2016 оноос хойш төрийн эрхийг тасралтгүй нэг нам барьж, ардчиллын бүхий л үнэт зүйлийг үгүй хийж, АРДЧИЛСАН улсын жагсаалтаас Монгол Улс гарч буйг дэлхий хүртэл сануулсан.
МАН дангаар ноёрхсоноор Хөгжлийн банк, нүүрсний хулгай, сангуудын тонуул гээд муу муухай тоогоо алдсан бөгөөд гол эзэд нь МАН-ынхан байлаа. Гэтэл сүүлийн сонгуулийн дараачаас АН, ХҮН-тай эвссэнээр эрх баригчдын “найр” улам налайж, төрийн алба данхайж, татвар нэмэгдэж, бүх ачаа ард түмний нуруун дээр ирээд байна.
Төсөв алдагдалтай байхад төсвийн мөнгө үрэн таран хийж хөдөөгүүр танхимаараа хэсэж, төрийн ажлыг цалгардуулж байна. Гэтэл хотын дарга нь төв талбайг майхан, асар, сүүдрэвчээр дүүргэж, наймаа дэлгэрүүлж, үнэгүй хоол, циркээр ард түмнийг “аргалж” мөн л төсвийг будаатай хуурга мэтэд үрсээр. Ард түмэн туйлдлаа, эрх баригчид аа!!!
Д.ГАНСАРУУЛ
Шог зургийг Гашуунбаатар
