АНУ-ын Боинг компанийн нэгэн зорчигч тээврийн онгоц Хятадад нийлүүлэгдэх байсан ч хилийн чанадад үлдэлгүй буцаж иржээ. Энэ явдал нь АНУ, Хятадын хооронд өрнөж буй тарифын дайн агаарын тээврийн салбарт хэрхэн нөлөөлж байгааг тод харуулж байна.
Онгоц нь Хятадын Жөүшан хот дахь Боингийн үйлдвэрт сүүлчийн бэлтгэлээ хийж байсан ч АНУ-ын Ерөнхийлөгч Дональд Трамп энэ сарын 2-нд шинэ тарифын багц зарласны дараа буцаан Сиэтл рүү нисчээ. Хариу арга хэмжээ болгож, Хятадын Засгийн газар дотоодын агаарын тээврийн компаниудад шинэ Боинг онгоц худалдан авахаа зогсоох, АНУ-аас нисэх онгоцны сэлбэг хэрэгсэл худалдаж авахыг хориглосон байна. Энэ нь Хятадад нисэж буй Боинг онгоцнуудын засвар үйлчилгээний зардлыг өсгөх магадлалтай гэж шинжээчид үзэж байна.
Боинг компанийн хувьд Хятад хамгийн том зах зээлүүдийн нэг байсан бөгөөд энэхүү үйл явдал нь тэдний бизнесийн хэтийн төлөвт сүүдэр тусгаж эхэллээ.
Ч.ДӨЛГӨӨН
Эх сурвалж: Benzinga, The Indian Express, Deccan Herald
