Сангийн сайд Б.Жавхлан БНХАУ-ын Хармөрөн мужийн Намын хорооны дэд нарийн бичгийн дарга Жань Аньшүн тэргүүтэй төлөөлөгчдийг өчигдөр хүлээн авч уулзжээ.
Уулзалтаар хоёр орны найрсаг харилцаа, хамтын ажиллагааг бүс нутгийн түвшинд өргөжүүлж, эдийн засаг, аялал жуулчлал, эрчим хүчний салбарт харилцан ашигтай хамтран ажиллах талаар санал солилцлоо.
Сангийн сайд Б.Жавхлан “Азийн IX өвлийн наадам”-ыг амжилттай зохион байгуулсанд баяр хүргэж, өвлийн спорт, аялал жуулчлалыг хөгжүүлэх чиглэлд хамтын ажиллагааг улам хөгжүүлэх өргөн боломж байгааг онцоллоо. Мөн хоёр тал хөдөө, орон нутгийн цахилгаан эрчим хүчний хангамжийг сайжруулах хүрээнд дулааны станцуудыг шинэчлэх, эрчим хүчний эх үүсвэрийг нэмэгдүүлэх чиглэлд хамтран ажиллах боломжийн талаар санал солилцов. Түүнчлэн талууд хоёр орны аж ахуй нэгжүүдийн хамтын ажиллагааг өргөжүүлж, бизнесийн шууд харилцааг дэмжих, бүс нутгийн эдийн засгийн хамтын ажиллагааг бодит үр дүнд хүргэх чиглэлээр хамтран ажиллах сонирхлоо илэрхийллээ.
