АНУ-ын Ерөнхийлөгч Дональд Трамп ихэнх улс орнуудаас оруулж буй бараанд ногдуулах өндөр тарифыг түр зогсоож, оронд нь 10%-ийн импортын татвар ногдуулах болсноо зарласны дараа Америкийн хувьцааны зах зээл огцом өсөв.
Цагаан ордон мэдэгдэхдээ, АНУ-тай хэлэлцээр хийхэд бэлэн орнуудын хувьд тарифын өсөлтөөс татгалзаж байгаа ч, Трамп БНХАУ-аас оруулж буй бараанд ногдуулах тарифыг “нэн даруй хүчин төгөлдөр болохоор” дор хаяж 125% болтол нэмэгдүүлнэ гэж мэдэгдсэн байна.
S&P 500 индекс 9.5%-иар өсөв, уг тарифын эрсдэлээс үүдэн зах зээлд хэд хоног үргэлжилсэн уналтын дараа энэ сэргэлт ажиглагджээ.
Трампын шийдвэр нь хамгийн сүүлд зарласан тариф хүчин төгөлдөр болсноос хойш 24 цаг ч өнгөрөөгүй байхад гарсан бөгөөд тэрхүү шинэ тариф нь Вьетнам зэрэг гол худалдааны түншүүдийн хувьд 46%-ийн шинэ татвар ногдуулсан байв.
Ч.ДӨЛГӨӨН
Эх сурвалж: BBC
