Доминиканы Бүгд Найрамдах Улсын нийслэл Санто-Доминго хотод байрлах алдарт Jet Set шөнийн клубийн тааз хөгжмийн тоглолтын үеэр нурж, аймшигт осол боллоо. Ослын улмаас 58 хүн амь үрэгдэж, 160 гаруй хүн гэмтсэн байна. Хохирогчдын дунд бейсболын домогт тоглогч Нелсон Крузын эгч, Монте-Кристигийн захирагч Нелси Круз болон мэргэжлийн шидэгч Октавио Дотель байжээ.
Одоогоор аврах ажиллагаа үргэлжилж байгаа бөгөөд нурангин дор амьд үлдсэн хүмүүсийг хайх ажиллагаа ид өрнөж байна. Ерөнхийлөгч Луис Абинадер ослын газарт очин нөхцөл байдалтай танилцаж, ар гэрийнхэнд нь эмгэнэл илэрхийлжээ.
Ч.ДӨЛГӨӨН
Эх сурвалж:AP News, Reuters
