ГЭР ХОРООЛЛЫН ӨРХӨД ЦАХИЛГААН ХАЛААГУУР БОЛОН ХИЙН ТҮЛШЭЭР АЖИЛЛАДАГ ТӨХӨӨРӨМЖ СУУРИЛУУЛАХ ТАЛААР ХЭЛЭЛЦЛЭЭ

НИТХ-ын Зөвлөлийн хуралдаан өчигдөр боллоо. Зөвлөлийн хуралдаанаар хэлэлцэх асуудлыг НИТХ-ын дарга, Зөвлөлийн дарга А.Баяр танилцуулж, хуралдааныг эхлүүлэв. Хэлэлцэх асуудлын дарааллын дагуу “Нийслэлийн агаарын чанарыг сайжруулах гэр хорооллын өрхөд цахилгаан халаагуур болон бүх төрлийн хийн түлшээр ажилладаг төхөөрөмж суурилуулах, түүний хэрэглээнд үнийн урамшуулал олгох журам”ыг батлах тухай хэлэлцлээ. Нийслэлийн Агаар, орчны бохирдолтой тэмцэх газрын дарга Д.Мөнхбаатар танилцуулга, мэдээлэл хийлээ.