Оросын алдарт дуучин, татар гаралтай Алсу Монголд тоглолтоо хийхээр болжээ. Дуучин бүрэн хэмжээний тоглолтоо ирэх сарын 17-нд “АСА АРЕНА”-д зохион байгуулах болсныг “DD Entertainment” зарлалаа.
Алсу Ралифовна Абрамова 1983 оны 6-р сарын 27-нд Татарстаны Бугульма хотод төрсөн. Оросын алдартай дуучин, телевизийн хөтлөгч, жүжигчин юм. Тэрээр Оросын Холбооны Улсын Гавьяат жүжигчин (2018), Татарстаны Ардын жүжигчин (2010), Башкортостаны Ардын жүжигчин (2019) цолтой.
Алсу нь Ралиф Рафилович болон Разия Исхаковна Сафиныхны гэр бүлд төрсөн бөгөөд хоёр ахтай. Түүний эцэг нь Алтайн Бүгд Найрамдах Улсын сенатор, эх нь архитектор мэргэжилтэй.
1999 онд Алсу өөрийн анхны “Алсу” нэртэй цомгоо гаргаж, “Зимний сон” (Өвлийн зүүд) дуугаараа алдартай болсон. 2000 онд тэрээр “Евровидение” дууны тэмцээнд Оросыг төлөөлж, “Solo” дуугаараа хоёрдугаар байр эзэлж байжээ.
Алсу 2006 онд бизнесмен Ян Абрамовтай гэрлэж, тэд гурван хүүхэд төрүүлсэн.
Тэрээр сүүлд 2023 онд “Скучаю вопреки” нэртэй шинэ синглээ гаргажээ.
Монголчууд түүнийг “Зимний сон”, “Иногда”, “Весна”, “Небо”, “Осень” зэрэг олон хит дуугаар нь мэддэг.
Ч.ДӨЛГӨӨН
Эх сурвалж: alsou.ru.
