Энэ сарын 5-ны байдлаар, Орос-Украины дайны улмаас хоёр талын цэргийн болон иргэний олноор амь насаа алдаад байна.
Оросын цэргийн хохирол нь судалгааны эх сурвалжаас хамаарч ялгаатай байдлаар мэдээллэгдэж байна. Украины төрийн мэдээллийн агентлаг болох Ukrinform-ийн мэдээлснээр, 2022 оны 2-р сарын 24-ний өдрөөс 2025 оны 4-р сарын 5-ны хооронд Оросын цэргийн нийт хохирол 922.340-д хүрсэн гэж тооцоолж байна. Үүнээс сүүлийн 24 цагийн дотор 1390 цэрэг амиа алдаж, шархадсан гэжээ.
Мөн, Пентагоны албаныхны мэдээлснээр, Оросын цэргийн нийт хохирол 600000-ыг даваад байгаа бөгөөд энэ нь Оросын тал хохирол амссан ч, территорийн хувьд маш бага алдагдал хүлээсэн гэжээ.
Харин Украины Ерөнхийлөгчийн Тамгын Газрын мэдээлснээр, 2022 оны 2-р сарын 24-нөөс 2025 оны 2-р сарын 16-ны хооронд Украины цэргийн 46,000 хүн амиа алдаж, 380.000 хүн шархадсан байна. Тухайн үед энэ тоо нь байнга өөрчлөгдөж байсан бөгөөд дайны байдлаас шалтгаалан хохирлын хэмжээ өсөн нэмэгдэх хандлагатай байна.
Украины иргэдийн хувьд, Нэгдсэн Үндэстний Байгууллагын Хүний Эрхийн Дээд Комиссарын Газрын мэдээлснээр, 2022 оны 2-р сарын 24-нөөс 2025 оны 2-р сарын 21-ний хооронд Украины 12.654 иргэн амиа алдаж, 27,836 иргэн шархадсан байна. Гэвч, Украины иргэдийн хохирол нь орон нутгийн бөмбөгдөлт, цохилтоос шалтгаалан сүүлийн өдрүүдэд эрс нэмэгдэж байгаа юм. Оросын иргэдийн хохирлын тухай мэдээлэл ил биш ч, Украины цохилтын улмаас зарим иргэд амиа алдаж, шархадсан байна.
Ч.ДӨЛГӨӨН
Эх сурвалж: Ukrinform, Defense News, Wikipedia, Independent, AP News
