2025 оны 3-р сарын 28 – Израиль Бейрут хотын өмнөд зах руу агаараас хүчтэй цохилт өгч, Хезболлахын дрон хадгалдаг байр гэж таамаглаж буй байгууламжийг ониллоо.
Энэ нь 2024 оны 11-р сард хэрэгжиж эхэлсэн гал зогсоох хэлэлцээрээс хойшхи анхны томоохон дайралт юм. Израилийн цэргийнхэн довтлохоосоо өмнө оршин суугчдад нүүлгэн шилжүүлэх анхааруулга өгч, тус барилгад гурван удаагийн жижиг дрон цохилт хийсэн байна. Гэвч гол цохилт асар их дэлбэрэлт үүсгэж, Бейрут даяар харагдах хар утаа дэгдээжээ.
Ливаны Засгийн газар болон Хезболлах бүлэглэл энэ дайралтыг хүчтэй буруушааж, Израиль дахин довтлох шалтаг хайж байна гэж мэдэгдэв. Энэ явдал бүс нутгийн нөхцөл байдлыг хурцатгаж, гал зогсоох хэлэлцээр цаашид тогтвортой байх эсэхэд эргэлзээ үүсгэж байна.
Ч.ДӨЛГӨӨН
Эх сурвалж:Reuters, AP News, The Guardian
