Өчигдөр Японы Цаг уурын агентлаг Ясукуни сүм дэх Somei Yoshino сакура модны анхны цэцэг дэлгэрснийг албан ёсоор зарлаж, энэ жилийн сакура улирал эхэлснийг баталлаа.
Энэ жилийн эхний цэцэглэлт өнгөрсөн жилээс таван өдрөөр эрт тохиож байгаа бөгөөд дундаж хугацаатайгаа нийцэж байна. Токиод сакура бүрэн дэлгэрэх хугацаа энэ сарын 30-нд тохиох төлөвтэй бөгөөд цэцэглэлт богино хугацаанд үргэлжлэх тул хүмүүс ханами буюу цэцэг харан баясах баяраа тэмдэглэх гэж яарсаар байна.
Сакура үзэх хамгийн алдартай газрууд:
Уэно парк
Шинжүкү Гёэн цэцэрлэгт хүрээлэн
Мэгүро голын эрэг
Эдгээр газрууд үзэсгэлэнт байгалиараа алдартай бөгөөд жил бүр олон мянган зочдыг татдаг. Гэхдээ сакурагийн бүрэн дэлгэрсэн үе ердөө нэг долоо хоног үргэлжилдэг тул аль болох эрт төлөвлөж, үзэх нь зүйтэй.
Сакурагийн энэ түр зуурын гоо үзэсгэлэн нь Японы соёлд амьдралын түргэн өнгөрөн одохыг илэрхийлдэг билээ.
Эх сурвалж: AP News, Time Out Tokyo
Ч.ДӨЛГӨӨН
