2019 онд Гренландын мөсөн дээр хаски ноход “усан дээр алхаж” байгаа мэт харагдах зураг шуугиан тарьсан билээ. Энэ нь уур амьсгалын өөрчлөлтийн ноцтой нөлөөг харуулсан. Энэхүү зургийг Данийн цаг уурын судлаач Стеффен Олсен авчээ. Зураг дээр чарга чирч буй хаски ноход нимгэн хайлсан усан давхаргатай мөсөн дээр явж байгаа нь яг л усан дээр алхаж байгаа мэт харагдаж байсан.
Энэ үзэгдэл нь мөс хурдан хайлж, ус мөсний гадаргуу дээр хуримтлагдсанаас үүдэлтэй. Эл зураг Гренландын мөсөн бүрхүүл хэрхэн хурдацтай хайлж, дэлхийн дулааралд өртөж байгааг анхааруулсан сануулга болсон. Эрдэмтдийн үзэж байгаагаар иймэрхүү мөс хайлж буй үзэгдэл нь далайн түвшин нэмэгдэхэд хүргэж, дэлхий даяарх эргийн бүс нутгуудад сөрөг нөлөө үзүүлж болзошгүй юм.
Эх сурвалж: BBC
Ч.ДӨЛГӨӨН
