УИХ-ЫН ГИШҮҮН Д.ЭНХТУЯА: Ахмадын тэтгэврийн доод хэмжээг 1.5 сая төгрөгт хүргэх бүрэн боломжтой!
2026 оны улсын төсөвт ахмадуудын тэтгэврийг ердөө 6%-иар нэмэх төдий тусгасан нь амьдралд нь дорвитой дэмжлэг болж чадахгүй.
📌 Өнөөдөр Монголд 414 мянга орчим ахмад тэтгэвэр авч байгаагаас:
• 50% нь доод хэмжээний тэтгэвэртэй
• 93% нь 1.5 сая төгрөгөөс доош тэтгэвэр авч байна.
👉 Тэтгэврийн доод хэмжээг 1.5 сая төгрөгт хүргэхэд ойролцоогоор 4 их наяд төгрөг шаардлагатай. Энэ мөнгийг:
• Үр ашиггүй зардлыг танах,
• Тансаг бүтээн байгуулалтын төсвийг оновчтой болгох,
• Нүүрсний хулгай зэрэг авлигын хэрэгт алдсан хөрөнгийг нөхөн төлүүлэх замаар бүрэн гаргах боломжтой.
Жишээ нь, нүүрсний хулгайд алдсан 44 их наяд төгрөг нь ахмадын тэтгэврийг нэмэгдүүлэхэд шаардлагатай мөнгийг 11 дахин нөхөх хэмжээний хөрөнгө юм.
Ахмадын тэтгэврийг нэмэгдүүлэх нь зөвхөн нийгмийн халамж биш, харин үр хүүхдүүдэд ирэх ачааллыг бууруулах, эдийн засгийн дотоодын эрэлтийг нэмэгдүүлж, өсөлтөд эерэг нөлөө үзүүлэх шийдвэр юм.
