УИХ-ЫН ГИШҮҮН Э.БАТШУГАР: “Зээлийн мэдээллийн тухай хуульд нэмэлт өөрчлөлт оруулах тухай хуулийн төсөл”-ийг 2025.05.16-ны өдөр УИХ-аар батлуулсан. Үүнтэй холбоотойгоор Өнөөдөр (өчигдөр) Монголбанкны Ерөнхийлөгчийн тушаал гарж Банкны хар жагсаалтыг хүчингүй болголоо.
Уг тушаалын дагуу Банкууд болон, банк бус санхүүгийн байгууллагууд системдээ өөрчлөлт оруулж 9 сарын 10-наас албан ёсоор хэрэгжиж эхлэх юм. Зээлээ цаг хугацаанд нь төлж байгаа иргэдийг урамшуулдаг, оноо нь нэмэгддэг тогтолцоо бий болох бөгөөд Зээлдэгчийн “хар жагсаалт” гэх санхүүгийн эрх чөлөөг зургаан жилээр боомилдог тогтолцоог өөрчлөх гэж сүүлийн жил гаруйн хугацаанд хийсэн ажил бодит биеллээ олж эхэллээ.
Зээлийн оноо нь зөвхөн Монгол улсад хэрэгжиж буй тогтолцоо биш санхүүгийн салбар нь хөгжсөн бүх орнуудад үйлчилдэг систем юм.
