Цахим хөгжил, инновац, харилцаа холбооны сайд Э.Батшугар: Цахим хөгжил, инновац, харилцаа холбооны сайдын тамгаа хүлээн авч, үүрэгт ажилдаа орлоо.
Миний хувьд 2022–2024 онд УИХ-ын Инновац, цахим бодлогын байнгын хорооны даргаар ажиллах хугацаандаа харилцаа холбоо, мэдээллийн технологийн салбарын хууль, эрх зүйн орчныг боловсронгуй болгож, дижитал шилжилтийн суурь эрх зүйн үндсийг бүрдүүлэн ажилласан.
Цаашид
- DIGITAL FIRST уриа дор дижитал шилжилтийг эрчимжүүлэх;
- Дижитал эдийн засгийг тэлж, гарааны бизнесийг хөгжүүлэх, тогтолцоог сайжруулах;
- Салбарын хууль, эрх зүйн орчныг сайжруулах;
- Их өгөгдөл, хиймэл оюуны бодлого стратегийг батлуулах, хиймэл оюуны хөгжүүлэлт, ашиглалт, хэрэглээг хөгжүүлэх;
- Харилцаа холбооны дэд бүтцийн асуудлыг шийдвэрлэх;
- Төрийн цахим үйлчилгээний чанар, хүртээмжийг нэмэгдүүлэх;
- Төр, хувийн хэвшлийн хамтын ажиллагааг өргөжүүлэх;
- Төрийн албан хаагч, иргэдийн цахим ур чадварыг дээшлүүлэх;
- Кибер аюулгүй байдлыг хангах тогтолцоог сайжруулах;
- Салбарын хүний нөөцийн хөгжлийг дэмжих;
- Харилцаа холбоо, мэдээллийн технологийн салбарт өндөр технологи, инновацын тогтолцоог бүрдүүлэх;
- Төрийн үйл ажиллагаанд ил тод байдлыг хангах чиглэлээр ажиллана.
Мөн Засгийн газрын 2024-2028 оны үйл ажиллагааны хөтөлбөрийг хэрэгжүүлэхийн төлөө салбарын хамт олонтойгоо хамтран ажиллах болно.
