Британийн тагнуулын мэдээлснээр, Хойд Солонгосын зэвсэгт хүчнийхэн Оросын Курскийн бүс нутагт байлдаж байхдаа 6,000 гаруй хүний хохирол амссан байна. Тайланд дурдсанаар энэ онц өндөр хохирол нь байн байн, өргөн цар хүрээтэй, хүнд хэцүү явган цэргийн довтолгоонуудтай холбоотой байсан гэжээ.
Үүнтэй холбоотойгоор ОХУ-ын Аюулгүйн зөвлөлийн нарийн бичгийн дарга Сергей Шойгу энэ сарын 4-нд Хойд Солонгост айлчилжээ. Энэ нь түүний сүүлийн гурван сарын хугацаанд Хойд Солонгост хийж буй хоёр дахь айлчлал бөгөөд тэрбээр Хойд Солонгосын удирдагч Ким Жон Унтай уулзсан байна. Тус айлчлал нь Москва, Пхеньяны хоорондын цэргийн хамтын ажиллагаа улам гүнзгийрч буйг харуулж байна.
Ч.ДӨЛГӨӨН
