Өнөөдөр Дарамсала дахь Текчен Чөлэн хийдээс Далай лам Гомбожавын Занданшатарт Монгол Улсын Ерөнхий сайдаар томилогдсонд баяр хүргэж захидал илгээжээ.
Далай лам захидалдаа:
- Анх 1979 онд Монголд айлчилсан тухай, түүнээс хойш хэд хэдэн удаа зочилж, Монголын ард түмний хүнлэг чанар, буддын уламжлалт мэдлэгийг орчин үеийн боловсролтой хослуулж буйг бахархаж байгаагаа дурджээ.
- Монгол, Төвөд хоёр эртнээс ах дүү мэт ойр дотно харилцаатай байсныг сануулсан байна.
- Монголын ард түмний соёл, ёс заншилд буддизм голлох үүрэгтэй бөгөөд энэрэл, хүчирхийлэлгүй байх зэрэг хүн төрөлхтөний нийтлэг үнэт зүйлсийг түгээж байгааг онцолсон.
- Монгол Улсын хөгжлийг өндрөөр үнэлж, ялангуяа ядуу, эмзэг бүлгийнхэнд ашиг тусаа өгч байгаа амжилтыг сайшаасан.
- Эцэст нь, шинэ Ерөнхий сайдад амжилт хүсч, Монголын ард түмний хүсэл мөрөөдлийг биелүүлэхийг ерөөсөн байна.
Эх сурвалж: Voice of Tibet (Төвөдийн дуу хоолой)
Д.САРУУЛ
