(Өчигдөр Энэтхэгт 242 зоргчигчтой онгоц осолдсон харамсалтай хэрэг гарсан билээ)
Доктор Пратин Жоши сүүлийн зургаан жилийн турш Лондонд амьдарч байжээ. Тэрээр Энэтхэгт үлдсэн эхнэр, гурван бяцхан хүүхдийнхээ ирээдүйг гадаадад амьдарвал илүү сайн байх болно гэж удаан хугацаанд мөрөөдөж ярьдаг байжээ.
Олон жилийн турш төлөвлөж, бичиг баримтаа бүрдүүлж, хүлээсний эцэст энэ мөрөөдөл нь биелэхэд бэлэн болсон байлаа. Хоёрхон хоногийн өмнө түүний эхнэр, мөн эмч мэргэжилтэй доктор Коми Вьяс Энэтхэг дэх ажлаа хүлээлгэж өгсөн байв. Ачаа цүнхээ баглаж, хайртай хүмүүстэйгээ салах ёс гүйцэтгэж, ирээдүйн амьдралдаа бэлэн болсон байлаа.
Өчигдөр өглөө тавуулаа дүүрэн итгэл найдвар, сэтгэл догдлол, олон төлөвлөгөөтэйгөөр Air India-гийн 171-р нислэгээр Лондон руу хөөрөв. Энэ селфи зургаа дарж, хамаатан садандаа илгээжээ. Шинэ амьдрал эхлүүлэх нэг талын аялал.
Гэвч тэд хэзээ ч очиж чадсангүй. Онгоц осолдож, бүгд амь үрэгдэв.
Хэдхэн хормын дотор бүх амьдралын мөрөөдөл үнс нурам болон хувирлаа. Амьдрал ямар эмзэг, хэврэг болохыг энэхүү эмгэнэлт үйл явдал харуулж байна. Бүтээж буй бүхэн, найдаж буй бүхэн, хайрлаж буй бүхэн — бүгд нарийн утсан дээр дэнжигнэж байдаг. Тиймээс боломжтой үедээ амьдраарай, хайрлаарай, аз жаргалтай амьдрахаа маргааш хүртэл хойшлуулах хэрэггүй.
