Ерөнхий сайд Л.Оюун-Эрдэнэ огцрох болзлоо ковидын үеэс л хангачихсан. Ардчиллын амин сүнс болсон үг хэлэх эрх чөлөө, хэвлэлийн эрх чөлөөг үгүй хийж, Ардчилсан Монголыг дарангуйлагчтай Монгол болсныг дэлхий хүртэл зарлаж “Монголыг ардчиллаас алдлаа” гэж халагласан.
Л.Оюун-Эрдэнэ Монголыг сөхрүүлж, ард түмнийг байж болох бүхий л эрх чөлөөгөөр нь дарлалаа. Удаан тэвчсэн ард түмэн өдрөөс өдөрт жагсаалд нэгдэж, сошиал орчинд Ерөнхий сайдыг огцрохыг шаардсан шаардлагууд ч хөвөрсөөр байна.
Намынхан нь ч түүнийг ажлаа өг гэж намынхаа нэр хүндийг хамгаалах тал руугаа орж байна.
Л.Оюун-Эрдэнэд монголчууд итгэл хүлээлгэсэн, залуу хүнийх нь хувьд итгэсэн. Гэвч тэр бүх хүний итгэлийг алдсан. Одоо түүний буух цаг болсон! Монголын Ерөнхий сайдууд дундаас хамгийн нэр хүндгүй нь Л.Оюун-Эрдэнэ гэж тодорхойлж эхэлсэн нь ард түмэн түүнд цэг тавьсны илрэл. Л.Оюун-Эрдэнэ огцор!
Д.ГАНСАРУУЛ
Шог зургийг Гашуунбаатар
