Хэмнэлтийн тухай үгсийг МАН-ын дарга нар хамгийн их хашгирч, цахилгаан хязгаарлагдаж, татвар нэмэгдэж, иргэд хоногийн хоолноосоо өөр юм бодохгүй хүнд амьдарч байна. Харин улс төрийн томчуудын амьдрал яг эсрэгээр өдрөөс өдөрт тансаглаж, хүүхдүүд нь дэлхийн брэндүүд дунд эрхлэн амьдарч байна.
Gucci, Chanel, Dior, Canada Goose… эдгээр нэрс эгэл жирийн ажилчин иргэдийн мөрөөдөл биш, харин нэгэн даргын хүүгийн өдөр тутмын хэрэглээ. Татвар төлөгчдийн мөнгөөр тэр хүү чихэр долоон эрхэлж сууж байхад ард иргэд өдрийн турш нуруу бөгтийлгөн ажиллаж байна.
Шударга ёс гэдэг үг зөвхөн индэр дээр амлалт болж үлдсэн бололтой. Төрийн алба хашиж буй хүмүүсийн ёс зүй, хариуцлага, үлгэр дуурайлал гэдэг ойлголт ч цаашилж, хэн тансаг амьдрах вэ гэдэг л гол зорилго нь болж шүү. Хэмнэлт хийх нь зөв. Гэхдээ зөвхөн ард түмэнд биш.
Шог зургийг Гашуунбаатар
