Дуучин Майли Сайрус саяхан Парист болсон арга хэмжээнүүдэд хэд хэдэн хүчирхэг төрхтэй гарч ирсэн нь “power dressing” буюу “нөлөө бүхий хувцаслалтыг” дахин моодонд авчирсан хамгийн сүүлийн алдартан боллоо.
Тэрээр Saint Laurent брэндийн 1980-аад оны хэтрүүлэгтэй мөр, том пиджак бүхий хувцас өмссөн нь тухайн үеийн “оффисын эрчүүд, эмэгтэйчүүдийн” төрхийг санагдуулсан гэж зарим хэвлэл онцолсон байна. Сошиал хэрэглэгчид хүртэл “Рейганы үеийн хөрөнгө оруулалтын бирж энд ирчихсэн юм биш биз?” хэмээн хошигножээ.
Power dressing — хүчтэй, шийдэмгий төрх бүхий хувцаслалт нь өнөөдөр өөртөө итгэлтэй байдлаа илэрхийлэх, мөн дэлхий ертөнцийн тогтворгүй нөхцөл байдалд өөрийгөө хамгаалах нэгэн хэрэгсэл болж байна. Энэхүү хэв маяг нь 1980-аад оны эмэгтэйчүүдийн ажил хэрэгч амжилт, нийгэм дэх байр сууриа илэрхийлдэг носталги төрүүлсэн элемент ч мөн болж хувирчээ.
Ч.ДӨЛГӨӨН
Эх сурвалж: CNN
