Эрх баригчид олон нийтийн дуу хоолойг сонсохын оронд, үгүйсгэхэд улам нарийн аргууд хэрэглэж эхэллээ. Энэ сарын 11-нд олон нийт жагсаал хийхээр төв талбайд цуглацгаая хэмээн зэхэж байсан ч эрх баригчид энэ боломжийг уран аргаар хаав. Талбайг тэд “үнэгүй хоолны фестиваль”, “үнэгүй цирк”, худалдаа наймаа, морь малаар дүүргэж, хоол унд, дуу хуур, жижиглэнгийн худалдаагаар жагсагчдын орон зайг үгүй хийв. Ард түмэн “Жагсаал хаана болоод байна?” хэмээн гайхацгааж байна. Үнэн хэрэгтээ тэд иргэнийхээ хувьд дуу хоолойгоо хүргэхээр ирсэн ч анхаарлыг зориуд өөр зүйлд татаж оймс бандааш сонирхсон шигээ салхилах аж.
Жагсаалын орон зайг үнэгүй юмаар дарж буй нь үзэл бодлоо илэрхийлэх үндсэн эрхийг хөндөж байгаа гөлгөр гадаргуутай дарангуйлал юм. “Үнэгүй” гэдэг үгний цаана эрх чөлөөний үнэт зүйлийг чимээгүйхэн булааж авч буйг бид мартаж болохгүй.
Д.ГАНСАРУУЛ
Шог зургийг Гашуунбаатар
