Украины Ерөнхийлөгч Володимир Зеленский хийсэн мэдэгдэлдээ Украины тагнуулын алба Оросын армид хамааралтай 155 хятад иргэнийг илрүүлсэн гэж мэдээллээ. Түүний хэлснээр, Оросын тал эдгээр иргэдийг сошиал медиагаар элсүүлсэн бөгөөд Хятадын эрх баригчид энэ талаар мэдэж байгаа байх магадлалтай гэлээ.
Одоо Украины тал тэдгээр хятадууд нь Бээжингээс шууд заавар авч байгаа эсэхийг шалгаж байгаа аж.
Харин Хятадын Гадаад хэргийн яамны төлөөлөгч мэдэгдэлдээ “Бид энэ мэдээллийг Украинтай хамтран шалгаж байна. Манай улс иргэддээ дайны бүсэд зорчихыг хориглодог бөгөөд аливаа талын зэвсэгт мөргөлдөөнд оролцохыг хатуу хориглодог” гэж мэдэгджээ.
Украины тал хоёр хятад байлдагчийг баривчилсан бөгөөд тэдгээрийг Орост хоригдож буй украин цэргүүдтэй солилцох боломж байгааг ч илэрхийлсэн байна.
Ч.ДӨЛГӨӨН
