Хятадын технологийн “Betavolt” компаниас анхны нано хэмжээтэй цөмийн батарей болох BV100 загварын прототипийг амжилттай бүтээснээ зарлалаа. Энэхүү шинэлэг төхөөрөмж нь ухаалаг гар утас, дрон, хиймэл дагуул, эмнэлгийн суулгац зэрэг жижиг хэмжээтэй төхөөрөмжүүдийг цэнэглэхгүйгээр олон арван жилийн турш ажиллуулах боломжтой хэмээн мэргэжилтнүүд онцолж байна. BV100 нь никель-63 изотопоор тэжээгддэг бөгөөд задралын дараа тогтвортой зэс изотоп болон хувирдаг. Радиацийг систем дотроо бүрэн тусгаарласан ухаалаг хамгаалалттай бөгөөд аюулгүй байдал, байгаль орчны хор нөлөөгүй гэдгийг тус компани мэдэгджээ.
Техникийн үзүүлэлтүүд:
Хэмжээ: 15 х 15 х 5 мм
Одоогийн эрчим хүчний гарц: 100 микроватт
Ирээдүйн зорилт (2025): 1 ватт хүртэл гарц
Ажиллах температурын хязгаар: -60°C-аас +120°C
Нэг грамм батерейд: 3,300 мегаватт-цаг эрчим хүч хадгалах чадвартай
Технологийн хувьд тус батерей нь 1960-аад оны АНУ, ЗХУ-ын цөмийн батарейг давсан гэж Betavolt мэдэгдсэн бөгөөд лити батерейнаас 10 дахин их эрчим хүч агуулах чадвартай гэдэг нь салбарынхны анхаарлыг татаад байна. “Betavolt” компанийн мэдээлснээр, уг технологи нь батерейны мэргэжлийн цикл, цэнэг алдалт гэсэн ойлголтыг арилгаж, эрчим хүчний ирээдүйд томоохон хувьсал авчрах боломжтой гэнэ.
Ч.ДӨЛГӨӨН
