Тайванийн Ерөнхийлөгч Лай Чин-Тэ АНУ-тай тариф тэглэх хэлэлцээр байгуулах зорилготой байгаагаа мэдэгдлээ. Тэрээр АНУ, Канад, Мексикийн хоорондын худалдааны гэрээг загвар болгон авч, хоёр талын эдийн засгийн харилцааг бэхжүүлэхийг зорьж буйгаа илэрхийлсэн байна. Энэ алхам нь АНУ-ын Ерөнхийлөгч Дональд Трамп Тайванийн зарим бараанд, ялангуяа хагас дамжуулагчийг эс тооцвол, 32%-ийн импортын тариф ногдуулсны дараах хариу арга хэмжээ болж байна. Гэсэн ч Тайвань хариу тарифаар биш, хөрөнгө оруулалтаа нэмэгдүүлэх, худалдааны саад тотгорыг арилгах замаар хариу өгөх бодлогыг баримталж байгаа юм. Түүнчлэн Тайванийн Засгийн газар энэхүү тарифын нөлөөг зөөлрүүлэхийн тулд 2.7 тэрбум ам.долларын эдийн засгийн дэмжлэгийн багц зарлаж, АНУ-аас худалдан авалтыг нэмэгдүүлэх, батлан хамгаалахын худалдан авалтын шинэ хүсэлт хүргүүлэхээр төлөвлөж байна. Эдгээр үйл явдал нь дэлхий даяар нэмэгдэж буй худалдааны хурцадмал байдал дунд өрнөж байгаа бөгөөд Тайвань зэрэг зарим орнууд АНУ-тай хэлэлцээ хийх замаар эдийн засгийн нөлөөллийг зөөллөхийг хичээж байна.
Ч.ДӨЛГӨӨН
Эх сурвалж: Wsj, Reuters
