Хаврын улирал ирж, өдрүүд уртсаж, дулаан уур амьсгал бүрдэхийн хэрээр хотын оршин суугчид гадаа идэвхтэй хөдөлгөөнөөр хичээллэх дуртай болсоор байна. Гүйх, унах зэрэг уламжлалт спортоос гадна усан дээрх илүү тайван, шинэ трэнд хотуудад хүчээ авч эхэлжээ. Бээжингийн алдарт Чаоянг цэцэрлэгт хүрээлэнд өнгө өнгийн завь, сэлүүрт тавцангууд нууран дээр хөвөх нь усан спортод дурлагчдын тоо нэмэгдэж буйг илтгэнэ.
“Миний хувьд анх удаа оролцож байгаа ч маш хурдан сурахад амархан юм байна. Байгаль, барилга хосолсон үзэмж нь үнэхээр тайвшруулах мэдрэмж төрүүллээ. Дараа нь гэр бүл, найзуудаа дагуулаад ирнэ ээ” хэмээн Хятадын Yelp-тэй адил “Dianping” платформ дээр нэгэн хэрэглэгч сэтгэгдлээ хуваалцжээ.
Усан спортын эрэлт нэмэгдэж байгаатай холбоотойгоор дасгалжуулагчид, клубүүд, тоног төхөөрөмжийн эрэлт өсч, энэхүү салбарт шинэ боломжууд үүсч байна.
“Бид энэ оны завины улирлыг гуравдугаар сард эхлүүлсэн. Зуны оргил ачааллын үеэр өдөрт 200-300 зочин хүлээн авна гэж тооцоолж байна” хэмээн завь, сэлүүрт самбар, усан дээрх олон төрлийн спортоор үйлчилдэг “Beijing Whalesports Club”-ийн үүсгэн байгуулагч Чэн Хэлун ярив.
Тус клуб нь 3-р сараас 10-р сар хүртэл Бээжинд 4 салбар цэгтэй ажилладаг ба энэ жил нийт 30,000 оролцогч хүлээж буй ажээ.
Ч.ДӨЛГӨӨН
Эх сурвалж: Xinhua
