Мьянмарын төв хэсэгт 7.7 магнитудын хүчтэй газар хөдлөлт болсны улмаас 2000 гаруй хүн амиа алдаж, олон мянган хүн шархдаад байна. Газар хөдлөлтийн төв нь Сагаингийн ойролцоо, тус улсын хоёр дахь том хот Мандалайгаас холгүй байсан билээ.
Үндэсний гашуудлын долоо хоног зарлав
Мьянмарын Цэргийн Засгийн газар үндэсний гашуудлын 7 хоног зарлаж, газар хөдлөлт болсон цаг болох 12:51-д хохирогчдын дурсгалыг хүндэтгэн нэг минутын чимээгүй байдал зарлахаар болжээ.
Хөрш орнуудад ч хохирол учрав
Газар хөдлөлтийн нөлөө хөрш орнуудад ч мэдрэгдсэн байна. Тайландад 18 хүн амиа алдаж, ихэнх нь Бангкок хотод барилгын талбайд байсан ажилчид байжээ.
Аврах ажиллагаа үргэлжилж байна
Одоогоор Мьянмар болон Тайландад аврах ажиллагаа үргэлжилж байгаа ч газар хөдлөлтийн дараах эхний 72 цагийн чухал хугацаа дууссан тул амьд үлдэгсдийг олох найдвар буурч байна. Нутгийн оршин суугчид хоол хүнс, ус, орон байрны хомсдолд орж, гадаа хонож байгаа тухай мэдээлэл гарчээ.
НҮБ: “Мьянмарт нөхцөл байдал хүндэрч байна”
НҮБ-ын мэдээлснээр, энэхүү газар хөдлөлт Мьянмарт өрнөж буй дөрөв дэх жилдээ үргэлжилж буй иргэний дайны хямралыг улам хүндрүүлж байна. Газар хөдлөлтийн улмаас ихээхэн хохирол учирсан хэдий ч тус улсын цэргийн удирдагчид босогчдын эсрэг агаарын цохилтоо үргэлжлүүлж байгаа талаар мэдээлэл гарчээ.
Ч.ДӨЛГӨӨН
Эх сурвалж: The Guardian, Reuters, AP News
