Улсын хэмжээнд өчигдрийн байдлаар нийт 8 аймгийн 20 суманд 28 удаагийн ой, хээрийн гал түймэр бүртгэгдээд байна. Урьдчилсан байдлаар ойн 887 га, хээрийн 1,390,761 га талбай өртжээ.
Ой, хээрийн гал түймрийн шалтгаан нөхцөлийг тогтоох чиглэлээр цагдаагийн байгууллагад 22 гомдол мэдээлэл шалгагдаж байгаагийн 10 буюу 45.4 хувь нь эзэнтэй, 12 буюу 54.6 хувь нь эзэнгүй байна. Иймд тухайн гал түймэр гаргасан эзэн холбогдогчийг олж тогтоох чиглэлээр холбогдох байгууллагууд ажиллаж байгаа аж.
