Өмнөд Солонгосын зүүн өмнөд бүс нутагт энэ сарын 21-нд эхэлсэн ойн түймэрт дөрвөн хүн амь үрэгдэж, 1,500 орчим оршин суугчдыг нүүлгэн шилжүүлээд байна.
Түймэр Санчёнг хошуунд эхэлж, улмаар бусад бүс нутагт тархаж, нийт 3,286 га газар шатаад байна. Амь үрэгдсэн хүмүүсийн дунд гурван гал сөнөөгч, нэг төрийн албан хаагч байжээ.
Засгийн газар Улсан хот болон Хойд, Өмнөд Гёнсан аймгуудад онц байдал зарлажээ. Түймрийг унтраах ажиллагаанд 1,600 гаруй аврагч, 35 нисдэг тэрэг, олон тооны техник хэрэгсэл дайчлагдан ажиллаж байна. Хүчтэй салхи, хуурай нөхцөл байдал түймрийн тархалтыг улам хүндрүүлж байгаа. Одоогоор түймрийн 25 хувийг хяналтад аваад байгаа бөгөөд гал унтраах ажиллагаа үргэлжилж байна.
Эх сурвалжууд: Reuters, ABC News, Bloomberg, Anadolu Agency
Ч.ДӨЛГӨӨН
