Америкийн Калифорнийн их сургуулийн эрдэмтэд DDL-920 нэртэй шинэ эмийг боловсруулжээ. Энэ нь тархинд цус харвалтын дараах хөдөлгөөний чадварыг сэргээдэг нь тогтоогджээ.
Хулганы дээр хийсэн туршилтаар DDL-920 нь мэдрэлийн эсүүдийн холбоог сэргээж, тархины гамма-долгионыг (oscillation) идэвхжүүлсэн байна. Үүний үр дүнд хөдөлгөөний чадвар мэдэгдэхүйц сайжирсан бөгөөд удаан хугацааны сэргээн засах эмчилгээ шаардлагагүй болсон гэсэн үг.
Гэвч одоогоор уг эмийг хүн дээр туршиж, аюулгүй байдал, үр нөлөөг батлах нэмэлт судалгаа шаардлагатай байгаа юм байна.
DDL-920 одоогоор эмнэлзүйн өмнөх (preclinical) шатанд явж байгаа. Энэхүү нээлт нь цус харвалтын дараах сэргээн засах эмчилгээнд томоохон дэвшил авчрах боломжтой ч, хүн дээр туршиж, албан ёсоор батлагдах хүртэл дахиад хугацаа орох нь мэдээж.
Ч.ДӨЛГӨӨН
