Хиймэл оюун ухааныг маш товчоор тайлбарлавал хүний сэтгэхүй, зан үйл, оюуныг дуурайж нарийн төвөгтэй оюуны болоод биеийн ажлыг гүйцэтгэхэд зориулагдсан асар их хэмжээний өгөгдөл, мэдээлэл боловсруулах чадвартай, алгоритмаар бэлтгэгдсэн программ хангамж гэж ойлгож болно.
AI-гаар гаргаж авсан элдэв бичлэг, зурагнаас айх биш, AI хөгжүүлэгчдийг цагдаад дуудаж, энэ чиглэлийн ажлыг зогсоох, хориглох биш харин ч Хиймэл оюун ухааныг судалж, өдөр тутмын амьдралдаа ашиглах шинэ цаг үе монголчуудын гэрийн гадаа ирээд хаалга тогшиж байна.
AI-гүй, AI нэвтрээгүй салбар гэж алга. Бид энэ шинэ технологийг хүлээж авч судалж, ашиглах хэрэгтэй болоод байна.
Тиймээс ч Мобайл сэтгүүлзүй болон Хиймэл оюун ухаанд суурилсан Mojo AI media agency MOJO AI мэдээллийн агентлаг Монголын сэтгүүлзүйд NEXT LEVEL болох цоо шинэ, AI сэтгүүлзүйг хөгжүүлэхээр өнөөдөр үйл ажиллагаа эхлүүлээд жил гаруйн хугацаа өнгөрөөд байна.
Өнгөрсөн 10 жилд ноёлсон цахим сэтгүүлзүйг бүгдээрээ дараагийн түвшинд нь гаргая, Хиймэл оюун ухааныг сэтгүүлзүйдээ, сэтгүүлчийн бүтээл, нийтлэл, нэвтрүүлэгтээ өргөнөөр ашиглаж, хөдөлмөрийг хөнгөвчилж, дэлхийн шинжлэх ухааны аугаа ололтыг өдөр тутмын амьдралдаа нэвтрүүлье.
Мобайл сэтгүүлзүй, Хиймэл оюун ухаанд суурилсан “MOJO AI” мэдээллийн агентлагийн захирал Д.ГАНСАРУУЛ
