Өмнөд Солонгосын цэргийн хүч сүүлийн 6 жилд 20 орчим хувиар багассан байна. Үүний гол шалтгаан нь төрж байгаа хүүхдийн тоо багасч байгаатай холбоотой.
2024 онд нэг эмэгтэйд ногдох хүүхдийн тоо 0.75 хүрсэн нь дэлхийд хамгийн бага үзүүлэлт болжээ. Тэгснээр 20 настай эрэгтэйчүүдийн тоо 2019 оноос хойш 30 хувиар буурч, цэргийн алба хаагчдын тоо багассаар байна.
Тэр дундаа офицер, ахлагчийн тоо дутагдаж, хамгаалалтын бэлтгэлд нөлөөлж байгаа юм. Төр засаг үүнийг шийдэхийн тулд төрөлтийг дэмжих бодлого хэрэгжүүлж байгаа ч хүн ам цаашид багассаар байх төлөвтэй гэж IR-IA News, Reuters, Financial Times мэдээллээ.
Ч.ДӨЛГӨӨН
