АНУ-ын Дэд ерөнхийлөгч Ж.Д. Вэнс болон Их Британийн Гадаад хэргийн сайд Дэвид Ламми нар АНУ, Их Британи, Украин болон Европын хэд хэдэн улсын үндэсний аюулгүй байдлын зөвлөхүүдийг Их Британийн Кент муж дахь Чевенинг хаус-д цуглуулж уулзалт зохион байгуулжээ.
Энэ уулзалт нь АНУ-ын Ерөнхийлөгч Дональд Трамп, ОХУ-ын Ерөнхийлөгч Владимир Путин нарын хооронд болох АНУ–Оросын дээд хэмжээний уулзалтаас (Аляскад) хэдхэн хоногийн өмнө болсноороо онцлогтой.
Украины дайнтай холбоотойгоор шударга, тогтвортой энх тайван тогтоох арга замыг хэлэлцсэн бөгөөд ямар ч хэлэлцээрт Украин өөрөө оролцох ёстой гэдгийг онцлов. Газрын нутаг шилжүүлэх замаар энх тайван тогтоох (land-for-peace) саналыг эрс эсэргүүцэв.
АНУ-ын албаны хүмүүс уулзалтыг “ихээхэн ахиц” гаргасан гэж дүгнэсэн бол Украины Ерөнхийлөгч Зеленский уулзалтыг “үр дүнтэй” гэж үнэлжээ.
Ч.ДӨЛГӨӨН
Эх сурвалж: The Guardian, Axios, Yahoo News, Mathrubhumi English
