Энэ сарын 15-ны өдрийн байдлаар Хангайн нурууны араас усжих Орхон, Идэр, Урдтамир, Хойдтамир болон Хангайн нурууны өврөөс эхтэй Байдраг, Түйн, Таац, Онги зэрэг голуудын усны түвшин өмнөх өдрөөс 20-120 см-ээр нэмэгдсэн байна.
Одоогийн байдлаар ихэнх гол, мөрөн олон жилийн дундаж түвшинг 5-60 см давсан байгаа ба Орхон, Хөгшин орхон гол Хархорин сум, Байдраг гол Баянбүрд орчим үерийн түвшинг 5-10 см даван үерлэж байгаа бол Орхон гол Бат-Өлзий сум, Таац гол Нарийнтээл сум орчимд үерийн аюултай түвшинг 1-5 см даван үерлэж байна.
