НИЙТ НУТАГ ДЭВСГЭРИЙН 0.2 ХУВЬ НЬ МАШ ХҮЧТЭЙ ГАНТАЙ, 0.9 ХУВЬ НЬ ХҮЧТЭЙ ГАНТАЙ БАЙНА

2025 оны 6-р сарын 2-р 10 хоногийн гангийн зураглал дээр Монгол орны хэмжээнд нийт нутаг дэвсгэрийн 0.2% нь маш хүчтэй гантай, 0.9% нь хүчтэй гантай, 4.2% нь гантай, 11.3% нь гандуу, 83.3% нь гангүй байна.
Aqua хиймэл дагуулын MODIS-ийн мэдээ ашиглан ойт хээрийн бүсэд NDDI (Normalised Difference Drought Index), хээрийн бүсэд TCI (Temperature Condition Index), цөлийн бүcэд VHI (Vegetation Health Index) зэрэг гангийн индексүүдийг ашиглан гангийн зураглалыг 10 хоногийн давтамжтайгаар боловсруулдаг. Индексүүдийн зааглах утгаас хамааран гангүй, гандуу, гантай, хүчтэй гантай, маш хүчтэй гантай гэж эрчимшлээр нь 5 ангилдаг.