2025 оны эхний улиралд буюу 1-3-р сард Японы эдийн засаг дөрвөн улирлын дараа анх удаа агшлаа. Тус улсын Засгийн газрын Хэрэг эрхлэх газрын урьдчилсан тоон мэдээллээр, энэ хугацаанд эдийн засаг өмнөх улиралтай харьцуулахад 0.7 хувиар буурсан байна (жилийн хувьд тооцсон үзүүлэлт).
Үндсэн үзүүлэлтүүд:
- Хувийн хэрэглээ: Японы ДНБ-ий тал илүү хувийг бүрдүүлдэг ч энэ улиралд ердөө 0.04 хувиар өссөн байна. Өндөр үнийн дарамт хэрэглээг сааруулжээ.
- Корпорацийн хөрөнгө оруулалт: Программ хангамж, хагас дамжуулагчийн тоног төхөөрөмжид хийгдсэн зарцуулалтын ачаар 1.4 хувиар өсч, дөрөв дэх улирлаа дараалан нэмэгдэв.
- Экспорт: 0.6 хувиар буурсан бол,
- Импорт: 2.9 хувиар нэмэгджээ.
2024 оны эхний улиралд ч мөн эдийн засаг агшсан нь автомашин үйлдвэрлэгчдийн баталгаажуулалтын зөрчилтэй холбоотой үйлдвэрлэлийн зогсолттой холбоотой байсан юм.
Ч.ДӨЛГӨӨН
Эх сурвалж: NHK
