Өнөөдөр Женевт болсон уулзалтын үеэр АНУ болон БНХАУ худалдааны маргаанаа намжаах зорилгоор харилцан тавьсан тарифуудыг бууруулах 90 хоногийн хугацаатай тохиролцоонд хүрсэн талаар АНУ-ын Сангийн сайд Скотт Бессент мэдэгдлээ.
Тохиролцооны дагуу: АНУ Хятадын бараа бүтээгдэхүүнд ногдуулсан тарифыг 145 хувиас 30 хувь болгон бууруулах бол, Хятад улс АНУ-ын бараанд ногдуулсан тарифыг 125 хувиас 10 хувь болгон бууруулах юм. Энэхүү тарифын бууралт түр хугацаанд үйлчлэх бөгөөд энэ хугацаанд талууд худалдааны асуудлаа цааш үргэлжлүүлэн хэлэлцэхээр тохиролцсон байна. Тус уулзалт нь хоёр талын эдийн засгийн саоыарын удирдлагуудын анхны нүүр тулсан уулзалт болсон бөгөөд дэлхийн эдийн засагт эерэг дохио өгч, хөрөнгийн зах зээлүүд өсөлттэй хариу үзүүлжээ. Эдийн засагчид энэхүү тохиролцоог дэлхийн худалдаанд итгэл сэргээх алхам хэмээн үнэлж байна.
Ч.ДӨЛГӨӨН
