АНУ-ын Ерөнхийлөгч Дональд Трамп дэлхийн хоёр том эдийн засаг болох АНУ, Хятадын хоорондох худалдааны дайн намжаах сонирхолтой байгаагаа дахин илэрхийлжээ. Тэрээр Хятадаас орж ирж буй бараа бүтээгдэхүүнд ногдуулах тарифыг бууруулах санал гаргалаа.
“Хятадад 80%-ийн тариф тохиромжтой юм шиг байна” гэж Трамп баасан гарагт сошиал сүлжээндээ бичсэн бөгөөд энэ нь Швейцарт болох хоёр орны худалдааны хэлэлцээний өмнөхөн юм. Харин Хятадын Гадаад хэргийн дэд сайд Хуа Чуньин хэлэлцээний өмнө итгэл төгс байр суурь илэрхийлж, Бээжин АНУ-тай үүссэн худалдааны асуудлыг удирдан зохицуулах бүрэн чадвартай гэдгээ онцолсон байна.
Трамп энэ оны дөрөвдүгээр сараас хойш Хятадаас орж ирж буй бараанд 145%-ийн импортын татвар ногдуулсан нь санхүүгийн зах зээлд доргилт өгч, хоёр орны хоорондын худалдааг бууруулсан юм.
Ч.ДӨЛГӨӨН
