Монгол Улсын Засгийн газар, Монголын Үндэсний Худалдаа Аж Үйлдвэрийн Танхим хамтран 24 дэх жилдээ “ТОП-100” ААН-ийг тодрууллаа. Энэхүү үйл ажиллагаанд Татварын ерөнхий газрын дарга Ч.Чимидсүрэн оролцож Монгол Улсын нийгэм, эдийн засгийн хөгжилд үнэтэй хувь нэмрээ оруулсан “ТОП-100” аж ахуйн нэгж, байгууллагад баяр хүргэж, амжилт хүслээ. 2024 оны Монгол Улсын “ТОП-100” ААН-ийн төлсөн татварын хэмжээ өмнөх оноос 1.4 их наяд төгрөгөөр өсөж 7.6 их наяд төгрөгт хүрсэн байна.
Нийгмийн хариуцлагын хүрээнд татвараа үнэн зөв тодорхойлон, хариуцлагатайгаар төлдөг татвар төлөгч танд баярлалаа.
